Madaxweyne Mustafe Cumar oo Codkiisa ka Dhiibtay Doorashada Maamulka Magaalada DhagaxbuurMadaxweynaha Dowlad Deegaanka Soomaalida Itoobiya, Mudane Mustafe Muxummed Cumar, oo kamid ah musharraxiinta u taagan maamulka magaalada Dhagaxbuur, ayaa maanta codkiisa ka dhiibtay goobta doorashada ee Dugsiga Sare ee Maxamuud Cali, iyadoo si weyn loo hadal hayo doorashada toddobaad ee ka qabsoomaysa magaaladaasi.
Madaxweynaha ayaa goobta codbixinta soo gaaray saacado hore oo maanta ah, waxaana halkaasi kusoo dhaweeyey masuuliyiin heer deegaan ah, guddiga doorashada iyo boqolaal kamid ah shacabka magaalada oo safaf dhaadheer ugu jiray sidii ay u gudan lahaayeen xuquuqdooda dastuuriga ah.Doorashadan ayaa lagu tilmaamay mid muhiimad gaar ah u leh bulshada magaalada Dhagaxbuur,
maadaama ay kusoo beegantay xilli ay sii kordhayaan tartamada siyaasadeed iyo dadaallada lagu xoojinayo nidaamka dimuqraadiyadeed ee Dowlad Deegaanka Soomaalida Itoobiya.Mudane Mustafe Muxummed Cumar ayaa markii uu codkiisa dhiibtay kadib warbaahinta la hadlay,
isagoo shacabka ugu baaqay inay si nabadgelyo iyo masuuliyad leh uga qeyb qaataan doorashada, islamarkaana ilaaliyaan xasilloonida iyo wadajirka bulshada.Waxa uu sheegay in codbixintu tahay xaq dastuuri ah oo muujinaya rabitaanka shacabka, isagoo xusay in horumarka iyo maamulka wanaagsan lagu gaari karo oo keliya ka qeybgal bulsho iyo doorasho xor ah.Goobaha codbixinta ee magaalada Dhagaxbuur ayaa maanta si weyn looga dareemayaa dhaq-dhaqaaqyada shacabka, iyadoo dadka da’
kasta leh ay safaf ugu jiraan sidii ay codadkooda u dhiiban lahaayeen. Ciidamada ammaanka ayaa sidoo kale si buuxda u sugaya nabadgelyada goobaha doorashada si loo xaqiijiyo in hawshu u dhacdo si hufan oo xasiloon.Doorashada toddobaad ee maamulka magaalada Dhagaxbuur ayaa noqonaysa mid indhaha lagu hayo, iyadoo shacabka iyo siyaasiyiintuba si dhow ula socdaan natiijada kasoo baxda tartankan siyaasadeed ee maanta ka socda magaaladaasi.
