Mooshinka Xilka Looga Qaadayo Maayar Mooge Oo Hargeysa Ka Abuuray Xiisad Siyaasadeed Magaalada Hargeysa waxaa maalmahan si weyn looga hadal hayaa mooshin siyaasadeed oo lagu doonayo in xilka looga qaado Maayarka caasimadda, Abdikarim Ahmed Mooge. Arrintan ayaa dhalisay muran siyaasadeed, dood bulsho iyo kala aragti duwanaansho xooggan oo ka dhex curtay golaha deegaanka, xisbiyada siyaasadda iyo shacabka magaalada.
Halka ay kaso bilabantay xiisada xilka qaadista mooge
Bilowga xiisaddan ayaa yimid kadib markii xubno ka tirsan golaha deegaanka Hargeysa ay bilaabeen dhaqdhaqaaqyo hoose oo lagu dhaliilayo maamulka Maayar Mooge. Xildhibaannadan ayaa ku eedeeyay maayarka inuu ku guuldareystay wada shaqeyn buuxda oo uu la yeesho qaar kamid ah golaha deegaanka, islamarkaana ay jiraan tabashooyin la xiriira maamulka dhaqaalaha, adeegyada magaalada iyo habka go’aan qaadashada. Wararka la helayo waxay sheegayaan in xubnaha mooshinka wada ay doonayeen in cod loo qaado xil ka qaadistiisa.
Markii warkan soo baxay, bulshada Hargeysa ayaa si degdeg ah uga falcelisay. Kumannaan qof oo taageersan Maayar Mooge ayaa baraha bulshada ku muujiyay taageeradooda, iyagoo sheegay in maayarku yahay masuul shacabka dhexdiisa sumcad weyn ku leh, isla markaana wax badan ka qabtay nadaafadda, waddooyinka iyo adeegyada magaalada. Dad badan ayaa ku tilmaamay mooshinka mid siyaasadaysan oo salka ku haya loollan siyaasadeed oo ka jira gudaha Somaliland.
Dhankale siyasiyiinta iyo wax garadka ayaa ku baaqay
Dhanka kale, siyaasiyiin iyo waxgarad kala duwan ayaa ku baaqay in xiisadda lagu xalliyo wada hadal iyo sharci, si looga fogaado kala qeybsanaan siyaasadeed oo ka dhalata muranka. Waxaa sidoo kale jiray warar sheegayay in kulamo gaar gaar ah ay yeesheen xubnaha golaha deegaanka iyo masuuliyiin sare oo isku dayaya inay damiyaan khilaafka.
Maayar Mooge laftiisa ayaan si toos ah uga hadlin dhammaan faahfaahinta mooshinka, balse dad ku dhow dhow ayaa sheegay inuu ku kalsoon yahay taageerada shacabka iyo sharciyadda xilka uu hayo. Sidoo kale waxaa jiray warar hore oo sheegayay inuu qorsheynayay inuusan mar kale isu sharxin xilka marka muddo xileedkiisu dhammaado, inkastoo xaaladda cusub ay sii kululisay siyaasadda Hargeysa.
Ugu danbayn saaka laga qaaday mayar mooge xilka
Xiisaddan ayaa noqotay mid kamid ah arrimaha ugu hadal heynta badan Somaliland saaka, iyadoo shacabka iyo siyaasiyiintuba si dhow ula socdaan waxa kasoo bixi doona mooshinka iyo mustaqbalka maamulka caasimadda Hargeysa.
Isla markaan ahaantaana waxaa saaka xilka laga qaaday maayarka magalada hargaysa ee maayar mooge inkaste oo ay dadkale ku doodayan in ku xigeeenka mayarka layska daayo oo aanan xilka laga qaadin buuqi xalay dhacay awgeed
