PSG iyo Arsenal Oo Caawa Ku Hardamaya Final-ka Champions
PSG iyo Arsenal Oo Caawa Ku Hardamaya Final-ka Champions LeagueKulanka ugu weyn kubadda Yurub ayaa caawa ka dhacaya garoonka Puskás Arena ee magaalada Budapest, halkaas oo ay isku wajahayaan kooxaha Paris Saint-Germain iyo Arsenal. PSG waxay dooneysaa inay difaacato Champions League-ka ay qaaday sanadkii hore, halka Arsenal ay raadineyso koobkeedii ugu horreeyay ee taariikhda Champions League. Labada kooxoodba waxay final-kan ku yimaadeen xilli ciyaareed aad u xooggan, iyadoo Arsenal ku guuleysatay Premier League halka PSG-na ay mar kale maamushay Ligue 1
Xaaladda Dhaawacyada Iyo Ciyaartoyda Soo Laabtay
Xaaladda Dhaawacyada Iyo Ciyaartoyda Soo LaabtayPSG ayaa heshay warar farxad leh saacadihii ugu dambeeyay kadib markii xiddigaha muhiimka ah ee Ousmane Dembélé iyo Achraf Hakimi ay kasoo kabteen dhaawacyo laga qabay. Dembélé ayaa sheegay inuu “100% diyaar yahay”, halka tababare Luis Enrique uu xaqiijiyay in Hakimi uu sidoo kale ciyaari karo final-ka. Sidoo kale waxaa soo hagaagay xaaladaha Nuno Mendes iyo Willian Pacho oo tababarka dib ugu soo laabtay.
Dhanka Arsenal, tababare Mikel Arteta ayaa xaqiijiyay in Jurrien Timber uu taam u yahay final-ka kadib bilooyin dhaawac ah. Si kastaba, Ben White ayaa weli dhaawac jilibka ah ku maqan, taasoo ka dhigaysa Timber ciyaaryahan aad muhiim ugu ah difaaca Arsenal marka ay wajahaan weerarka halista badan ee PSG.
Waxa Laga Yidhi Kulanka Iyo Saadaasha Final-
Waxa Laga Yidhi Kulanka Iyo Saadaasha Final-kaFalanqeeyayaal badan ayaa PSG u arka kooxda khibradda iyo nasashada badan leh, maadaama ciyaartoydeedu daal yar qabaan marka loo eego Arsenal oo xilli ciyaareedkan ciyaaro badan soo martay. Waxaa si gaar ah loo hadal hayaa dagaalka khadka dhexe ee u dhexeeya Declan Rice iyo Vitinha, iyo sidoo kale loollanka garbaha ee u dhexeeya Bukayo Saka iyo Nuno Mendes.
Khubarada qaar waxay aaminsan yihiin in awoodda weerar ee PSG oo ay hoggaaminayaan Dembélé, Khvicha Kvaratskhelia iyo Désiré Doué ay dhibaato weyn ku noqon karto Arsenal, halka taageerayaasha Arsenal ay rumeysan yihiin in nidaamka difaac iyo khadka dhexe ee Rice iyo Martin Ødegaard uu kooxda London siin karo fursad ay ku qoraan taariikh cusub. Final-kan ayaa la filayaa inuu noqdo mid ka mid ah kulamadii ugu adkaa ee Champions League sanadahan dambe.
